7. júlí 2009 Héraðsmót USVS í frjálsum íþróttum verður haldið á Víkurvelli laugardaginn 18. júlí n.k. Mótið er í umsjón USVS. Skráningar þurfa að hafa borist forráðamönnum Ungmennafélaganna í sýslunni í síðasta lagi laugardagskvöldið 11. júlí. Stefnt er að því að hafa tímaseðil tilbúinn fimmtudagskvöldið fyrir mót. Keppni hefst stundvíslega kl. 10:30 á laugardagsmorgun. Meira um mótið er á heimasíðu USVS. Unglingalandsmót UMFÍ um verslunarmannahelgina á Sauðárkróki Hið geysivinsæla Unglingalandsmót UMFÍ verður haldið á Sauðárkróki dagana 31.júlí til 2.ágúst. Þátttökurétt hafa öll börn og unglingar á aldrinum 11-18 ára. Stjórn USVS hvetur foreldra og forráðamenn barna og unglinga á aldrinum 11-18 ára að fara á Unglingalandsmót og stefna á myndarlega þátttöku USVS  á mótinu. Fylking USVS hefur ætíð vakið athygli í skrúðgöngu við setningu mótsins og í ár verður engin undantekning.  Í þessari göngu förum við fram á að fólkið okkar klæðist svörtum buxum og USVS treyjunni/úlpunni Kynnið ykkur allt um keppni og afþreyingu Unglingalandsmóts UMFÍ á heimasíðu landsmótsins:  www.ulm.is	Á döfinni 29.6. - 3.7. Leikjanámskeið árg. 1999 - 2004 18. 7. Íþróttahátíð USVS 31.7.-3.8. ULM á Sauðarkróki 15./16. 8. MÍ 11-14 ára í frjálsum á Höfn 29./30.8. MÍ 15-22 ára í frjálsum í Kópavogi   Æfingartafla sumar 2009   Má Þrí Mi Fi 20:00 - 21:00 Fótbolti allir Frjálsar eldri og yngri Fótbolti allir Frjálsar eldri og yngri 21:00 - 21:30   Frjálsar eldri   Frjálsar eldri 9.júní 2009 Leikjanámskeið Umf Katla minnir á Leikjanámskeið fyrir börn fædd 1999 til 2004. Leikjanámskeiðið verður haldið virka daga frá kl. 9 til 12 vikurnar 29. júní til 10. júlí. Farið verður í leiki, gönguferðir og leirmótun. Verð fyrir báðar vikurnar er 7000 kr., fyrir eina viku er verðið 4000 kr. Leiðbeinendur: Kristín Marti og Þorbjörg Kristjánsdóttir. Lágmarksfjöldi : 20 börn. Skráning fer fram hjá Kristín Marti, s. 893 9170 eða á netfang marti@aknet.is Skráningarfrestur: 25. júní. Leirmótun Leirmótun fyrir börn og unglinga fædd 1993 til 1999. Námskeiðið verður haldið dagana 29. og 30. júní og 6. júlí,  kl.13 til 16. Verð: 7500 kr. (efnið og brennslan innifalið). Kennari: Kristín Marti. Skráning fer fram hjá Kristínu Marti, s: 893 9170, eða á netfang: marti@aknet.is Skráningarfrestur: 21. júní.
9. mars 2009 Ægir Máni vann 4 verðlaun á meistaramóti Íslands innanhúss í frjálsum Helgina 28.feb./1. mars. var haldið MÍ innanhúss fyrir 11-14 ára í frjálsum íþróttum. Einungis þrír keppendur frá Umf Kötlu tóku þátt í keppninni. Það voru Ægir Máni (13), Friðbert (14) og Alda Sól (14). Alda og Friðbert kepptu bæði í 60m og hástökki, þar sem Alda jafnaði metið sitt 1,40m, en Friðbert bætti sig um 5 cm í 1,50m sem var 8. sætið í hans aldursflokki. Ægir Máni stökk einnig 1,50m, sem er líka nýtt persónulegt met,en með þessu tryggði hann sér silfurverðlaun í aldursflokki 13 ára pilta. Hann vann einnig til silfurverðlauna í langstökki og 60m og brons í 800m hlaupinu. Til hamingju Ægir Máni!
1. febrúar 2009 Arnar Snær varð Íslandsmeistari í langstökki Um þessa helgi var haldið MÍ innanhúss fyrir 15-22 ára í frjálsum íþróttum. Arnar Snær Ágústsson sem var valinn íþróttamaður ársins hjá Umf Kötlu sannaði að hann á titilinn fyllilega skilið. Í langstökki vann hann í mjög hörðu keppni í flokki sveina 15-16 ára og setti persónulegt met 5,74m, en það munaði aðeins 3 cm frá 1. til 3. sætis! Bæði í 60m og 200m bætti hann persónulegt met sitt og lenti í 5. og 4. sæti, en vann sér inn bronsverðlaun í þrístökki. Til hamingju Arnar!
10. ágúst 2008 Gaman, gleði og góður árangur á Unglingalandsmótinu í Þórlákshöfn Keppendur frá Umf Kötlu hafa staðið sig með miklum sóma á Unglingalandsmótinu. Krakkarnir sýndu mikinn keppnisanda, bardagavilja og mikla leikgleði. Sumir hafa unnið til verðlauna: Þorsteinn Björn vann bronsverðlaun í kúluvarpi stráka 12 ára, þar sem hann kastaði 9,66 m og bætti héraðsmetið. Ægir Máni bætti einnig héraðsmet í strákaflokki 12ára, þar sem hann stökk 4,47m í langstökki og vann til silfurverðlauna í þeirri grein. Hann vann einnig silfurverðlaun í 60m og gull í 600m. Annar keppandi vann gullverðlaun, og var það Guðrún Erna í flokki stelpur 11ára, og stökk hún 3,64m. Sveinasveitin Arnar Snær, Ástþór, Bergþór og Elvar Orri hljóp síðan í 3. sæti í 4x100m boðhlaupi. Aðrir fengu engin verðlaun eða hafa rétt misst af þeim, en flestir hafa þó lagt sig eins mikið fram á þeir gátu og verið sjálfum sér og félaginu til sóma.
8. júlí 2008 Fótboltanámskeið Um síðustu helgi var haldið fótboltanámskeið þar sem mættu 24 krakkar. Guðmundur Kr. Kristinsson var með námskeiðið  og gekk mjög vel og allir voru mjög ánægðir með þetta. Víkurskáli bauð þátttakendum upp á sérstakt hádegisverðartilboð og eftir námskeið bauð Mýrdalshreppur öllum þátttakendum frítt í sund sem var að sjálfsögðu vel notað. GS
15.júní 2008 Æfingarbúðir í frjálsum í Borgarnesi Mynd: Indriði Jósafatsson 19 krakkar frá Umf Kötlu tóku þátt í æfingarbúðunum sem fram fóru 9. -13. júní í Borgarnesi. Eftir góða reynslu í fyrra ákváðum við einhljóma að koma hingað aftur á þessu ári, enda er aðstaðan í Borgarnesi hreinlega frábær. Við gistum í skólanum og því var mjög stutt á íþóttavöllinn og í sundlaugina (aðeins um 200 þrep niður stiga, sem var aðeins erfiðari á leiðinni til baka ...). Æfingarnar voru stífar, en krakkarnir lögðu hart að sér og æfðu vel. Á milli æfinganna fóru margir í sund eða í sólbað, en Umf Katla átti þó nokkur útgjöld vegna kaupa á sólaráburði og kælikremi til að bera á sólbruna. Á  heimasíðu Borgarbyggðar segir að hópurinn fengi hrós dagsins fyrir kurteisi í framkomu, glaðværð og góða umgengni, og tek ég eindregið undir þetta! Krakkarnir hafa verið alveg til fyrirmyndar, bæði hvað varðar sjálfsaga í æfingunum og góða framkomu. Foreldrunum sem komu með okkur bæði sem kokkar og þjálfarar, og öllum sem styrktu okkur á einn eða annan hátt langar mig til að þakka innilega fyrir! Einnig langar mig til að þakka vinum okkar í Borgarnesi fyrir frábærar móttökur!                  Kveðja, Kristín Marti Smelltu hér til að skoða æfingarplönin fyrir 5. bekk og eldri í sumar.
Krakkarnir í 1.-4. bekk fóru í gönguferð og fengu ís Krakkarnir í 1 - 4 bekk slúttuðu vetrarstarfinu með því að fara í gönguferð sem endaði í Víkurskála þar sem allir fengu ís í boði Skálans. Við þökkum kærlega fyrir okkur!
Æfingar- og skemmtiferð fyrir unglinga í 5.-10. bekk til Hvolsvallar Þann 13. maí bauð Umf Katla öllum unglingum sem hafa stundað frjálsar íþróttir og/eða fótbolta´, í æfingar- og skemmtiferð til Hvolsvallar. Við fengum frábæra  byrjendakennslu í stangarstökki. Ólafi Elí tókst tvímælalaust að vekja áhuga okkar á þeirri grein, og ekki fór á milli mála að við yrðum að reyna að fá stangir til Víkur! Sumir krakkarnir fóru á fótboltaæfingu með krökkunum á Hvolsvelli, og fannst þeim það mjög gaman að æfa í svona "stórum" hópi jafnaldra. Eftir frábæra æfingu var okkur boðið í sund! Áður en lagt var af stað austur borðuðum við mjög góðar pizzur á "Gallerí Pizza".  Mig langar til að þakka Ólafi Elí og öllum öðrum sem hafa tekið svo vel á móti okkur á Hvolsvelli innilega fyrir!  Kristín Marti

17.mars 2008
KATLA
Sameining Umf Drangs og Umf Dyrhólaeyjar
1. fundur sameinaðs (nýstofnaðs) ungmennafélags var haldinn 17. mars s.l.
Haldin var nafnakeppni og varð nafnið "umf Katla" fyrir valinu.
Hin nýja stjórn er skipuð úrvalsfólki:
Guðný Sigurðardóttir formaður, Sveinn Þorsteinsson varaform., Þorbjörg Kristjánsdóttir gjaldkeri, Petra Kristinsdóttir ritari, Andrína G. Erlingsdóttir meðstj., og Páll Tómasson meðstj.  Til vara er Pálmi Kristjánsson

7.apríl 2008
Ægir Máni varð Íslandsmeistari á MÍ 12-14 ára
Aðeins þrír keppendur frá KÖTLU tóku þátt á MÍ innanhús 12-14 ára sem var haldin um helgina. En allir þrír keppendur stóðu sig mjög vel og bættu sitt persónulegt met! Ægir Máni lendi á sigurpallinum í öllum þremur greinum sem hann tók þátt í. Hann bætti sig um 10 sm í hástökki þar sem hann vann keppnina með 1,45 m. Síðan vann hann tvö silfurverðlaun,  í langstökki þar sem hann stökk 4,41m og í 60m.
Þorsteinn Björn komst í 5. sætið í kúluvarpi og kastaði kúlunni 9,91m, sem er nýtt persónulegt met. Guðlaug Lilja setti einnig persónulegt með í hástökki með 1,40m.
Gaman er að benda á það að Þorsteinn og Ægir sem kepptu í flokki 12ára stráka voru í 3. sæti í stigakeppninni í þeirra aldursflokki, þó að þeir voru aðeins tveir í liði!
Til hamingju krakkar!

19. Febrúar 2008
MÍ öldunga innanhús í frjálsum íþróttum
Guðný og Kristín Marti kepptu á MÍ öldunga innanhús í frjálsum íþróttum um síðastliðna helgi. Aðstæður í Laugardalshöllinni eru vægast sagt frábærar og ýta vissulega undir árangur og áhuga íslenskra frjálsaíþróttafólks. Því miður er þrátt fyrir allt dræm þátttaka  í kvennaflokkunum, en “stelpurnar okkar” sáu til þess að hlutfall USVS í kvennaflokki var frá 20% í 60 m hlaupi alveg upp í 66% í kúluvarpi. Engu að siður stóðu þær sig vel og áttu verðlaunin fyllilega skilið. Guðný kastaði kúlunni 8,87m, og þar með kemst hún beint í 3. sæti í afrekaskrá öldunga í hennar aldursflokki. Kristín er ekki alveg eins sterk og Guðný, en kastaði samt lengra en nokkru sinni fyrr, eða 8,46m. Þær tóku báðar þátt í langstökki, og Kristín stökk hvorki meira né minna en 4,96m sem bendir kannski til þess að stökkæfingarnar sem voru stundaðar í vetur skila þó nokkrum árangri. Með þessu stökki lendir hún beint í 2. sæti í afrekaskrá öldunga í hennar aldursflokki. Kristín komst einnig í afrekaskrá öldunga í 60m, þar sem hún er nú í 2. sæti með 8,59 s, og í 200m, þar sem hún fer beint í 1. sæti með 28,81 s, eftir að hafa hlaupið 800 m hlaup hálftíma fyrr. Til hamingju "stelpur!"

3. Febrúar 2008
Björk í 2. sæti á MÍ 15-22 ára
Björk Smáradóttir var eini keppandinn USVS á MÍ 15-22 ára sem fram fór í Laugardalshöllinni um helgina. Hún keppti í fimm greinum og stóð sig frábærlega vel í þeim öllum. Hún missti mjög tæplega af verðlaunapallinum þegar hún lenti í 4. sæti í langstökki. Einnig munaði litlu til að komast í úrslit í 60m grindahlaupi. En svo tókst henni í dag í síðustu grein sinni að komast á verðlaunapallinn í þrístökki meyja, þar sem hún vann til silfurverðlauna með persónulegu meti 10,24 m. Er þetta glæsilegur árangur, sérstaklega í ljósi þess að Björk er nýbyrjuð að keppa í þessari grein og að æfingaraðstaða innanhúss fyrir þrístökkið er mjög takmörkuð hér í Vík! Til hamingju Björk!

21.janúar 2008
Stórmót ÍR
20 keppendur frá Umf Drangi og Dyrhólaey tóku þátt á þessu glæsilegu móti sem var haldið í Laugardalshöllinni. Skipulagið og stemningin í höllinni var mótshöldurum, starfsfólki og keppendum (sem voru um 700!) til fyrirmyndar. Krakkarnir okkar stóðu sig afbragðs vel. Mörg hafa bætt sig, aðrir hafa tekið þátt í sinni fyrstu stóru keppni og einhverjir hafa unnið til verðlauna. Í þetta sinn voru það Ægir Máni Hauksson sem var í fyrsta sæti í langstökki með 4,39 m og í 3. sæti í 60m með 9,16 s í strákaflokki. Í sama flokki vann Þorsteinn Björn Einarsson silfurverðlaun í kúluvarpi (2kg) með 9,85m. Þá var líka stúlka sem vann silfurverðlaun, og var það Björk Smáradóttir sem stökk  10,19m í þrístökki í meyjuflokki. Magdalena Sveinsdóttir  kastaði 3kg -kúluna 8,73m og vann bronsverðlaun. Úrslitin af mótinu má skoða á mótaforritinu fri.

20. nóvember 2007
Keppendur frá Umf Dyrhólaey og Drangi stóðu sig framúrskarandi vel á Silfurmótinu ÍR
Gaman var að sjá krakkana okkar keppa á þessu stóru móti. Í piltaflokki (13-14 ára) voru Arnar og Elvar sér og okkur til sóma, enda unnu þeir 1. og 2.sæti í þrístökki. Björk vann til bronsverðlauna í sömu grein í sínum flokki og bætti hún sig um 40 sm. Það sem gladdi hjarta þjálfarans mest var það að flestir sem tóku þátt á mótinu bættu sig verulega síðan í fyrra. Arnar bætti sig um tæplega 1,5 metra frá því í fyrra, og Elvar hefur ekki keppt í þrístökki áður. Alda Sól stökk nánast 2 metrum lengra í þrístökki en í fyrra og bætti sig um 1,5 sekundur í 60m grindahlaupi. Arnar og Björk tóku einnig þátt í grindahlaupinu, Björk bætti sig um sekúndu og Arnar hafði aldrei keppt í grindahlaupi áður en lendi í 3. sæti! Hann vann einnig silfurverðlaun í 200m pilta, þar sem hann bætti sig um 1,5 sekundur. Fleiri hafa bætt sig verulega, og er þar að nefna Ægi Mána sem bætti sig í 800m um 4 sekúndur og lendi í 4. sæti í þrístökki í fyrstu keppni sinni í þeirri grein. Erna Guðrún bætti sig í langstökki um hálfan meter. Friðbert var í 3. sæti í hástökki með 1,45m sem er nýtt persónulegt met. Alda Sól bætti sig einnig í hástökki þegar hún stökk 1,40m. Elvar vann bronsverðlaun í kúluvarpi með nýju persónulegu meti 11,83m.Hann var einnig í 2. sæti í 60m hlaupi, en í þeirri grein hafa flestir keppendur bætti sig, en hjá sumum var þetta jafnvel  fyrsta stóra mótið eða aðrir hafa prófað nýja grein!
Ég get ekki sagt annað en að ég var MJÖG stolt á öllum krökkunum sem  tóku þátt á mótinu, því allir voru mjög prúðir og til fyrirmyndar!
Ég hvet ykkur til að halda áfram að mæta vel á æfingarnar, því að við uppskerum jú eins og við sáum!

Kveðja, Kristín

16. september 2007
Björk í úrvalshópi unglinga!
Björk Smáradóttir komst í úrvalshóp unglinga í langstökki með 5,01m- stökki sínu sem hún stökk í júní á þessu ári. Úrvalshópur unglinga hittist 2-3 skipti yfir árið í æfingarbúðum sem eru undir stjórn og leiðsögn landsliðsþjálfara. Þetta er frábært tækifæri til að komast í náið samband við afreksíþróttafólk og til að kynnast öðrum áhugasömum íþróttamönnum landsins. Til hamingju Björk!

1. september 2007
Vináttuhlaup

Um helgina var hið árlega vináttuhlaup á vegum world harmony run. Þetta er alþjóðlegt kyndilboðhlaup. Tilgangurinn hlaupsins er að efla vináttu og skilning. Sem tákn um þessa viðleitni bera hlaupararnir logandi kyndil sem berst manna á milli í þúsundum byggðarlaga í yfir hundrað löndum. Nokkrir krakkar frá Dyrhólaey og Drangi fylgdu hlauparanum frá Jökulá á Sólheimasandi til Vikur. Í Víkurskálunum var svo öllum boðið upp á ís, sem var vel þeginn eftir erfiðið!
Meira um þetta hlaup má lesa á www.worldharmonyrun.org

27. ágúst
MÍ öldunga í frjálsum
Guðný Sigurðaradóttir vann til gullverðlauna á MÍ öldunga í kúluvarpi í sínum aldursflokki. Hún kastaði kúlunni 8,96 m. Guðný er eini keppandinn okkar sem tók þátt, og erum við mjög stolt af henni!

18. ágúst 2007
Héraðsmót USVS í frjálsum íþróttum 
Þeir 71 keppendur frá ungmennafélögum Ármani, Drangi, Dyrhólaey og Skafta sem voru skráðir á mótið stóðu sig allir eins og hetjur, og lögðu sitt af mörkum að halda frjálsa íþrótta hefðinni á lofti í sýslunni. Þó að þátttakan væri frekar dræm er augljóst að við eigum margt efnilegt frjálsa íþróttafólk sem á bjarta framtíð fyrir sér í sinni grein ef það heldur áfram að æfa sig með einbeitni, vilja og sjálfsaga.
Heildarstigakeppninni vann lið Umf Drangs en í öðru sæti var lið Umf Dyrhólaeyjar. Gaman verður þegar þessi tvö lið eru orðin að einu stóru liði!
Myndir má skoða hér.
Úrslit má sjá á mótaforriti FRÍ

6. ágúst 2007
Unglingar Umf Drangs og Dyrhólaeyjar stóðu sig frábærlega á Unglingalandsmótinu í Höfn!

Elvar Orri og Arnar Snær héldu sigurförinni áfram og unnu langstökkskeppnina örugglega. Elvar var í fyrsta sæti og Arnar í öðru. Þeir hlupu einnig á verðlaunapallinn í 100 m hlaupinu, en þar var Elvar í örðu sæti og Arnar í þriðja.
Magdalena Katrín vann til silfurverðlauna í kúluvarpi og Björk vann bronsverðlaun í langstökki og rétt missti af verðlaunapallinum í 100 m. Þorsteinn Björn vann til bronsverðlauna í kúluvarpi.
Friðbert Elí missti einnig af verðlaunapallinum um eitt sæti í spjótkastinu,  og það sama er að segja um Guðlaugu Lilju í hástökki.
Unglingalandsmótið snýst ekki aðeins um að vinna til verðlauna, heldur aðallega um að taka þátt í! Fjöldi krakka sem ekki hefur komist á verðlaunapallinn hefur lagt sig fram og gefið sitt besta.
Það skiptir mestu að hafa gaman af hollri hreyfingu, leggja sig fram og reyna að bæta sitt eigið met.

14. júlí 2007
Frábær árangur unglinga Drangs og Dyrhólaeyjar á MÍ 12-14 ára á Borgarnesi

Arnar Snær og Elvar Orri unnu langstökkskeppnina pilta 14 ára á öruggan hátt. Arnar Snær var í 1. sæti með 5,60 m, en Elvar Orri í 2. sæti með 5,53! Piltarnir sönnuðu sig líka í 100 m keppninni, þar sem Arnar varð í 2. sæti og Elvar Orri 4.  Elvar varð einnig í 4. sæti í spjótkasti, og munaði litlu á verðlaunapallinn. Arnar lendi í 11. sæti í spjótkasti og er óhætt að segja að þessir tveir drengir eru mjög fjölhæfir!
Magdalena Katrín sá til þess að verðlaunin USVS verði fleiri: Hún vann til silfurverðlauna í kúluvarpi telpna 13 ára með 8,14 m, sem er glæsilegur árangur!
Guðlaug Lilja varð í 6. sæti í sömu grein með 7,39 m, og stökk síðan persónulegt met (1,35m) í hástökki þar sem hún varð í 4. sæti!
 

8. júlí 2007
Jóhann Vignir í 2. sæti í spjótkasti á landsmótinu!
Jóhann Vignir kastaði spjótinu 55,11m sem tryggði honum 2. sæti á eftir Jónasi H. Hallgrímssyni ÍBH (58,50) og á undan Erni Daviðssyni HSK (54, 69). Þetta er stórglæsilegur árangur hjá honum Jóa og óskum við honum til hamingju og vonum að hann haldi svona áfram!
Björk Smáradóttir (16 ára) keppti í langstökki og í 100m.Í forkeppninni stökk hún 4,99 m sem er aðeins 1 cm frá viðmiðum fyrir úrvalshóp unglinga en jafnframt er þetta  héraðsmet. Björk lendi síðan í 9. sæti í úrslitum og henni tókst einnig að komast áfram í milliriðla í 100m hlaupi. Það er ljóst að hér er um efnilega frjálsíþróttakonu að ræða og óskum við henni til hamingju með árangurinn.

3. júlí 2007
Góð þátttaka í íþrótta- og leikjanámskeiðinu!
Um 30 börn taka nú þátt í íþrótta- og leikjanámskeiðinu.
Námskeiðið stendur frá  kl. 10:00 til 15:00 dagana 2.-6. júlí og boðið verður upp á fjölbreytta dagskrá. Kennararnir á námskeiðinu eru Halla Ólafsdóttir, Victor Berg  og Kristín Marti.
Á myndasíðunni geturðu skoðað myndir úr námskeiðinu.
Dagskrána má finna hér.

1. júlí 2007
Fótboltadagur USVS
Því miður komust aðeins fáir krakkar á fótboltadaginn á Klaustri. Engu að siður tóku Ása og Siggi vel á móti okkur og lögðu sig allir fram að gera gott úr þessu og hafa gaman af. Gaman var að sjá góðu taktana sem margir voru búnir að tileinka sér og er enginn vafi um að hér eru margir efnilegir fótboltamenn - og konur á ferðinni. Myndir má skoða á myndasíðunni.

25.júní 2007
HSK og USVS - mótið
Keppendur stóðu sig vel á móti og með vindinum á frjálsa-íþróttamótinu sem fram fór í Vík laugardaginn siðastaliðinn. Elvar Orri Jóhannsson stökk héraðsmet pilta 13-14 ára í hástökki sem er nú 1,60m. Til hamingju Elvar!
Úrslit yngri krakka má skoða hér, en úrslit krakka USVS 12 - 14 ára má sjá hér.

13. júní 2007
Æfingarbúðir í frjálsum íþróttum á Borgarnesi
Það er ekker annað hægt að segja en að æfingarbúðirnar tókust alveg frábærlega.